ఆంధ్రభారతి - తాళ్లపాక అన్నమాచార్య కీర్తనలు - తెలుపఁగ రాదిది దేవుని మాయలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 296-5
సంపుటము: 3-558

తాళ్లపాక అన్నమాచార్య

రాగము: మాళవి

తెలుపఁగ రాదిది దేవుని మాయలు ఫల మెఱఁగరు యీ పట్టిన వెఱ్ఱి	॥పల్లవి॥
పుట్టిరి దివిజులు పురుషోత్తమునం- దట్టే యణఁగిరి యతనందు యిట్టే యీతని యిందరితో సరి- వెట్టి కొలుచుటే పెనువెఱ్ఱి	॥తెలు॥
హరివరముననే యందరు బదికిరి పరుల వరము గని బడలిరి యసురలు యిరవెఱిఁ గీతని నిందరి లోపల సరిగా మొక్కుట సహజపువెఱ్ఱి	॥తెలు॥
జీవాంతరాత్ముఁడు శ్రీవేంకటేశుఁడు యేవల శ్రీలక్ష్మి యీతని దేవులు వేవేలు సిరులు వీరె యొసఁగిరని భావించువారికిఁ బట్టదు వెఱ్ఱి	॥తెలు॥