ఆంధ్రభారతి - తాళ్లపాక అన్నమాచార్య కీర్తనలు - ఏఁటి విచారము యెక్కడి యాచారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 297-1
సంపుటము: 3-560

తాళ్లపాక అన్నమాచార్య

రాగము: నారాయణి

ఏఁటి విచారము యెక్కడి యాచారము మాటున జీవుఁ డింతేసి మాయలఁ బొరలును	॥పల్లవి॥
పరగ నూరేండ్ల బ్రతుకునకేకా ధర నన్నియునుఁ గూర్చి దాఁచుకొనేది పొరసి నానాసుఖభోగాలు చింతించుఁ గాని పరమున కీపాటి ప్రయాసపడఁడు	॥ఏఁటి॥
కడుపు నించుకొరకుఁ గామసుఖమునకేకా చెడని వుద్యోగాలు సేయఁ గోరును మిడిసి లోకములెల్ల మెప్పించ నడచుఁ గాని చిడుముడి హరి మెప్పించే ననలేఁడు	॥ఏఁటి॥
సారెసారెఁ జచ్చిచచ్చి జననము నొందేదెల్లా వూరఁగల కర్మము లొగిఁ జేయుట మేరలేక నరులను మెచ్చుగఁ గొలుచుఁ గాని కూరిమి శ్రీవేంకటేశుఁ గొలువఁగ లేఁడు	॥ఏఁటి॥