ఆంధ్రభారతి - తాళ్లపాక అన్నమాచార్య కీర్తనలు - ఒక్కఁడే దైవం బున్నతుఁ డీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 297-4
సంపుటము: 3-563

తాళ్లపాక అన్నమాచార్య

రాగము: సాళంగం

ఒక్కఁడే దైవం బున్నతుఁ డీతఁడు తక్కిన తలఁపులు తప్పుఁదెరువులు	॥పల్లవి॥
పురుషుల కెల్లాఁ బురుషోత్తముఁడు సురేంద్రాదులకు సురేంద్రుఁడు హరునికి నజునికి నవ్వలిమూరితి హరి ఇతఁడే పరమాత్ముఁడు	॥ఒక్కఁ॥
వేదాంతంబుల వేద్యుఁ డీతఁడు ఆదికినాదియు నన నితఁడే మేదిని నరులకు మేదినీశ్వరుఁడు యేదెసఁ జూచిన నీశ్వరుఁ డితఁడే	॥ఒక్కఁ॥
యెక్కువల కెల్ల నెక్కువ యీతఁడు మక్కువ మరునికి మరుఁ డితఁడు యిక్కడ శ్రీవేంకటేశుఁడై మిగుల పక్కన నిదివో ప్రత్యక్ష మితఁడు	॥ఒక్కఁ॥