ఆంధ్రభారతి - తాళ్లపాక అన్నమాచార్య కీర్తనలు - ఓహో నిలిచిన దొకటిదియే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 297-5
సంపుటము: 3-564

తాళ్లపాక అన్నమాచార్య

రాగము: శ్రీరాగం

ఓహో నిలిచిన దొకటిదియే శ్రీహరి సాకారచింతనము	॥పల్లవి॥
పంచమవేదపు పద్మాక్షునామము అంచెఁ బాపహర మౌషధము పంచలఁ బీతాంబరు శరణాగతి ముంచిన యజ్ఞానమునకు దీపము	॥ఓహో॥
విందులకుడుపులు విష్ణుకీర్తనము చందపు వైకుంఠ(ము?) సంబళము పొందుగ నచ్యుతుఁ బూజించు పూజలు కిందటఁ గొనకెక్కెడి నిచ్చెనలు	॥ఓహో॥
కట్టిన ముడుపగు ఘన కృష్ణభక్తి ముట్టిన పాపవిమోచనము యిట్టే శ్రీవేంకటేశ్వరు కృప యిది పట్టినవారికి బలువగు కొమ్ము(మ్మ?)	॥ఓహో॥