ఆంధ్రభారతి - తాళ్లపాక అన్నమాచార్య కీర్తనలు - వేదము దీర్చదు వేరే శాస్త్రములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 297-6
సంపుటము: 3-565

తాళ్లపాక అన్నమాచార్య

రాగము: శంకరాభరణం

వేదము దీర్చదు వేరే శాస్త్రములు యేదియుఁ దీర్చదు యిది నీమాయ	॥పల్లవి॥
నీ వల్ల బ్రదికిరి నిండు దేవతలు నీవల్ల నసురలు నెఱిఁ జెడిరి ఆవల నిందరి కాత్మవు నీవే చేవదేరె నీ చిక్కులే భువిని	॥వేద॥
నెమ్మిఁ బాండవుల నీవారంటివి కమ్మర విడిచితి కౌరవుల యిమ్ముల నీవావి యిద్దరికొకటే తెమ్మలాయ నీ తీరని చిక్కు	॥వేద॥
జగమున నీదే స్వతంత్రమెల్లా నెగడిన జీవులు నీవారు తగు శ్రీవేంకటదయివమ యిన్నియు తెగి నీదాసులు తెలిసిన చిక్కు	॥వేద॥