ఆంధ్రభారతి - తాళ్లపాక అన్నమాచార్య కీర్తనలు - మాయామోహము మానదిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 298-1
సంపుటము: 3-566

తాళ్లపాక అన్నమాచార్య

రాగము: దేవగాంధారి

మాయామోహము మానదిది శ్రీయచ్యుత నీ చిత్తమే కలది	॥పల్లవి॥
యెంత వెలుఁగునకు నంతే చీఁకటి యెంత సంపదకు నంతాపద అంతటా నౌషధ మపథ్యమును సరి వింతే మిగిలెను వేసటే కలది	॥మాయా॥
చేసిన కూలికి జీతమునకు సరి పూసిన కర్మభోగము సరి వాసుల జన్మము వడి మరణము సరి ఆసల మిగిలిన దలపే కలది	॥మాయా॥
మొలచిన దేహము ముదియుటకును సరి దలఁచిన దైవము తనలోను యిలలో శ్రీవేంకటేశ నీ కరుణ- గలిగిన మాకెల్ల ఘనతే కలది	॥మాయా॥