ఆంధ్రభారతి - తాళ్లపాక అన్నమాచార్య కీర్తనలు - అతనిలోనే యణఁగె నన్నియును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 298-3
సంపుటము: 3-568

తాళ్లపాక అన్నమాచార్య

రాగము: వరాళి

అతనిలోనే యణఁగె నన్నియును కతలెన్నైనాఁ గలవు కమలాక్షుఁ గనరో	॥పల్లవి॥
యిసుక లెక్కవెట్టితే నెంతై నాఁ గలదు అసముదించని పుణ్యా లటువంటివే వసగాని పెక్కు దేవతలఁ గొలుచుకంటే సుసరాన హరివారై సుఖియించరో	॥అత॥
గోడ గడుగఁగఁ బోతేఁ గొనదాఁకా రొంపే ఆడుకోలు తర్కవాదా లటువంటివే వాడిక నారుమతాలవాఁడై తిరుగుకంటే యీడనే శ్రీపతివారై యీడేరరో	॥అత॥
మనసునఁ బాలు దాగితే మట్టు లేదు మేర లేదు అనుగు సంసారభోగా లటువంటివే దినదిన తపములఁ దీదీపులవుకంటే తనిసి శ్రీవేంకటేశుదాసులై బ్రదుకరో	॥అత॥