ఆంధ్రభారతి - తాళ్లపాక అన్నమాచార్య కీర్తనలు - ఏ వల్ల నౌఁగాము లిఁక నేవి అన్నియు నీలోనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 298-5
సంపుటము: 3-570

తాళ్లపాక అన్నమాచార్య

రాగము: సామవరాళి

ఏ వల్ల నౌఁగాము లిఁక నేవి అన్నియు నీలోనే శ్రీవల్లభుఁడ నిన్నుఁ జేఱితిమి నేము	॥పల్లవి॥
సగుణనిర్గుణములును సావయవనిరవయవ- మగుఁ దర్కవాదకలహములు ఘనము జగములో చదువులును సంశయంబే కాని తెగనీదు నీ మాయ తెలియ వసమా	॥ఏవ॥
వేదమార్గము గొంత వేదబాహ్యము గొంత పోది మతములవారి పోరు ఘనము పాదైన మునిరుషులు బహుముఖములే కాని సోదించి వొకమాట చూపంగ లేరు	॥ఏవ॥
వెస గర్మ మొకవంక విజ్ఞాన మొకవంక వసగావు రెంటి బలవంతములును వసుధ శ్రీవేంకటేశ్వర నీవు గావు మిఁక ముఁసుగు వెట్టినవాదు ముగియదెంతైనా	॥ఏవ॥