ఆంధ్రభారతి - తాళ్లపాక అన్నమాచార్య కీర్తనలు - శ్రీపతి యొకఁడే శరణము మాకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 299-2
సంపుటము: 3-573

తాళ్లపాక అన్నమాచార్య

రాగము: లలిత

శ్రీపతి యొకఁడే శరణము మాకును తేప యితఁడె మఱి తెరఁగేది	॥పల్లవి॥
ఆసలు మిగులా నాతుమ నున్నవి యీసు లేని సుఖ మెక్కడిది చేసిన పాపము చేతుల నున్నది మోసపోని గతి ముందర నేది	॥శ్రీప॥
కోపము గొందుల గుణముల నున్నది యేపున నిజసుఖ మిఁక నేది దీపనాగ్నితోఁ దిరిగెటి దేహము పైపై విరతికిఁ బట్టేది	॥శ్రీప॥
పంచేంద్రియముల పాలిటి బదు కిది యించుక నిలుకడ కెడ యేది యెంచఁగ శ్రీవేంకటేశ్వరుఁ డొకడే పంచిన విధులను పాలించుఁ గాక	॥శ్రీప॥