ఆంధ్రభారతి - తాళ్లపాక అన్నమాచార్య కీర్తనలు - నానాఁటి బదుకు నాఁటకము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 299-5
సంపుటము: 3-576

తాళ్లపాక అన్నమాచార్య

రాగము: ముఖారి

నానాఁటి బదుకు నాఁటకము కానక కన్నది కైవల్యము	॥పల్లవి॥
పుట్టుటయు నిజము పోవుటయు నిజము నట్టనడిమి పని నాఁటకము యెట్టనెదుటఁ గలదీ ప్రపంచమును కట్టఁగడపటిది కైవల్యము	॥నానాఁ॥
కుడిచే దన్నము కోక చుట్టెడిది నడుమంత్రపు పని నాఁటకము వొడిఁ గట్టుకొనిన వుభయకర్మములు గడి దాఁటినపుడే కైవల్యము	॥నానాఁ॥
తెగదు పాపమును తీరదు పుణ్యము నగినగి కాలము నాఁటకము యెగువనె శ్రీవేంకటేశ్వరుఁ డేలిక గగనము మీఁదిది కైవల్యము	॥నానాఁ॥