ఆంధ్రభారతి - తాళ్లపాక అన్నమాచార్య కీర్తనలు - నాకు నాకే సిగ్గయ్యీని నన్ను జూచుకొంటేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 301-2
సంపుటము: 4-2

తాళ్లపాక అన్నమాచార్య

రాగము: దేసాళం

నాకు నాకే సిగ్గయ్యీని నన్ను జూచుకొంటేను చేకొని నీవే మన్నించఁ జెయ్యొగ్గేఁ గాని	॥పల్లవి॥
సేయరాని పాపములు సేసివచ్చి యేనోర నాయెడ నిన్ను వరములడిగేను కాయముతో నింద్రియకింకరుఁడనై యేమని చేయార నీబంటనని చెప్పుకొనేను	॥నాకు॥
వేగిలేచి సంసారవిధులకే వొడిగట్టి యేగతిఁ గొసరి నీపై నేఁట వేసేము అగడపు బంగారుకాతుమనే నమ్ముకొని భోగపుమోక్షము నెట్టు వొందించు మనేము	॥నాకు॥
కలుపుట్టుగుబదుకు కాంతలకు వెచ్చపెట్టి వలసి నేఁడెట్టు నీవార మయ్యేము నెలవై శ్రీవేంకటేశ నీవే కరుణించితివి బలిమిసేసి నీకెట్టు భారము వేసేము	॥నాకు॥