ఆంధ్రభారతి - తాళ్లపాక అన్నమాచార్య కీర్తనలు - నీకు నీవే వలసితే నీవు నన్నుఁ గాచుకొమ్ము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 303-6
సంపుటము: 4-18

తాళ్లపాక అన్నమాచార్య

రాగము: దేసాళం

నీకు నీవే వలసితే నీవు నన్నుఁ గాచుకొమ్ము నాకు వసగానివెల్ల నన్నుఁ బాసీనయ్యా	॥పల్లవి॥
పాపమూల మటు తొల్లి పైకొన్న దేహము పాపము సేయకుండితే పక్కున నేల మాను కోపమే కూడుగఁ గుడిచిన యీబుద్ధి కోపము విడువుమంటే గుణమేల మాను	॥నీకు॥
అప్పు దీర్చ వచ్చినట్టి ఆయపు సంసారము అప్పు దీర్చుకోకుమంటే నది యేమిటికి మాను తప్పు వేయవచ్చి నన్నుఁ దగిలె నీ కర్మములు తప్పులు వేయక సారెఁ దా మేల మాను	॥నీకు॥
పంచమహాపాతకాలే పట్టుకొనే యింద్రియాలు పంచమహాపాతాకాలే బారిఁ దోయ కేల మాను అంచెల శ్రీవేంకటేశ ఆత్మలో నీవుండఁగాను పొంచి నీ కరుణ నన్నుఁ బొదుగ కేల మాను	॥నీకు॥