ఆంధ్రభారతి - తాళ్లపాక అన్నమాచార్య కీర్తనలు - ఇదియే సులభం బిందరికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 307-2
సంపుటము: 4-38

తాళ్లపాక అన్నమాచార్య

రాగము: లలిత

ఇదియే సులభం బిందరికి కదియఁగ వసమా కరుణనే కాక	॥పల్లవి॥
నగధరుండు పన్నగశయనుడు భూ- గగనాంతరిక్షగాత్రుడు అగణితుఁడితని నరసి తెలియఁగాఁ దగు నా కనెడిది దాస్యమే కాక	॥ఇది॥
కమలజజనకుఁడు కామునిజనకుఁడు కమలాసతిపతి ఘనగుణుఁడు విమలుఁడీహరి వెదకి కానఁగను అమరునా శరణాగతిఁగాక	॥ఇది॥
దేవుఁడు త్రిగుణాతీతుఁ డనంతుఁడు కైవల్యమొఁసగుఘనుఁడు శ్రీవేంకటపతి జీవాంతరాత్ముఁడు భావించవసమా భక్తిన కాక	॥ఇది॥