ఆంధ్రభారతి - తాళ్లపాక అన్నమాచార్య కీర్తనలు - ఎంచి సేయు పను లిఁక లేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 309-2
సంపుటము: 4-50

తాళ్లపాక అన్నమాచార్య

రాగము: దేశాక్షి

ఎంచి సేయు పను లిఁక లేవు కొంచక యాతనిఁ గొలుచుటే కలది	॥పల్లవి॥
తప్పదు కర్మము తా నెందున్నా చెప్పఁగ దీనికిఁ జింతేలా అప్పడు తొల్లే అనుమతించె నివి తప్పక యాతనిఁ దలఁచుటే కలది	॥ఎంచి॥
ఆయము నన్నము నందొక లంకె వేయుట దీనికి వెతలేలా కాయములో హరి గలఁడంతరాత్మ యీయెడఁ దను నుతియించుటే కలది	॥ఎంచి॥
వెలిని లోన శ్రీవేంకటేశుఁడే తెలియని మతి నందియమేలా యిలలో మనముల నేలె నాతఁడే సలిగె మనకతని శరణమే కలది	॥ఎంచి॥