ఆంధ్రభారతి - తాళ్లపాక అన్నమాచార్య కీర్తనలు - అన్నివిధములుఁ దానై యాతుమలో మరి వీఁడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 309-3
సంపుటము: 4-51

తాళ్లపాక అన్నమాచార్య

రాగము: దేవగాంధారి

అన్నివిధములుఁ దానై యాతుమలో మరి వీఁడే పన్నిన యీ పరమాత్మభావనే మా బ్రదుకు	॥పల్లవి॥
గోపాలకృష్ణునిచూపే కోరిన పనులపాఁడి గోపికావల్లభుకృపే కూర్మివనిత శ్రీపతిదయే మాకుఁజేరే ధనధాన్యములు చేపట్టిన బ్రహ్మతండ్రిచిత్తమే మాపుత్రులు	॥అన్ని॥
జలధిశాయికరుణే సర్వరత్నములసొమ్ము అల పీతాంబరువాత్సల్యమే వస్త్రములు మలయు గరుడధ్వజుమన్ననే వాహనములు యిల నచ్యుతనామమే యిదే మాకాయుష్యము	॥అన్ని॥
అమృతమథను మహిమదె మా గాదెల కొల్చు విమతదైత్యారి యావేశమే భయహరము అమర శ్రీవేంకటేశు నడుగులే మాకు నిండ్లు తమితో నాతనిదేవే తల్లియుఁ దండ్రియును	॥అన్ని॥