ఆంధ్రభారతి - తాళ్లపాక అన్నమాచార్య కీర్తనలు - కాకున్న మాపాటు కడమున్నదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 310-2
సంపుటము: 4-56

తాళ్లపాక అన్నమాచార్య

రాగము: శ్రీరాగం

కాకున్న మాపాటు కడమున్నదా నీ కృప వంకనే నిలిచితిఁ గాక	॥పల్లవి॥
యీ నాలికేకాదా యిందరి నిందించినది శ్రీనిధి నిన్నుఁ బొగడి చెలఁగెఁ గాక నానాపాపములు విన్న నా వీనులే కావా దానవారి నీ కథల ధన్యమాయఁగాక	॥కాకు॥
యీ మేనేకాదా హేయపుటింతులఁ గూడె నీముద్రలు ధరియించి నిక్కెఁగాక యీ మనసేకాదా యిన్నిటిపైఁ బారినది కామించి నిన్నుఁ దలఁచి కట్టువడెఁ గాక	॥కాకు॥
యీ పుట్టుగేకాదా హీనాధికములఁ బొందె వోపి నీ దాస్యము చేరి వొప్పెఁగాక యేపున శ్రీవేంకటేశ యిన్నినేరములు నాకుఁ బాపఁగా నే నిన్ను నమ్మి బ్రదికితిఁగాక	॥కాకు॥