ఆంధ్రభారతి - తాళ్లపాక అన్నమాచార్య కీర్తనలు - కాయము నాదే అట కర్తను నే నట నా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 310-4
సంపుటము: 4-58

తాళ్లపాక అన్నమాచార్య

రాగము: గుండక్రియ

కాయము నాదే అట కర్తను నే నట నా- చాయకవి రావు నన్నే జరసీఁ గాని	॥పల్లవి॥
తలఁచినట్టుండదు తలఁపు నాదైనాను కులికి నన్నే పనిగొనీఁగాని నిలిపిన యట్టుండవు నేఁడు నా మాటలే నాకు పొలసి నన్నే కడు బొంకించీఁగాని	॥కాయ॥
కలిమి లేమెరఁగదు కాయము నాదైనాను కొలఁదికి నేమైనాఁ గోరీఁగాని యిల నాయంకెకు రావు యింద్రియములు నావైనా కలసి నామర్మములే కాఁడిపారీఁగాని	॥కాయ॥
పంపు నాకుఁ జేయదు భవమిది నాదైనా తెంపున కర్మవీధులఁ దిప్పీఁ గాని యింపుల శ్రీవేంకటేశ యిది యరాజికమాయ పంపున నీకిదె మొఱ ప్రతిపాలించఁగదే	॥కాయ॥