ఆంధ్రభారతి - తాళ్లపాక అన్నమాచార్య కీర్తనలు - ఱాలు దింటా మలిగండ్లాఱడి రాసిగా నేరేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 311-1
సంపుటము: 4-61

తాళ్లపాక అన్నమాచార్య

రాగము: శుద్ధవసంతం

ఱాలు దింటా మలిగండ్లాఱడి రాసిగా నేరేము తేలుచు శ్రీహరి నీవే దిక్కౌట గాక	॥పల్లవి॥
ఆసలేల మానుఁ దన ఆఁకలి లో నుండఁగాను బేసబెల్లి దేహముతోఁ బెరుగుఁగాక గాసి బంధమేలఁమానుఁ గాముఁడు లో నుండఁగాను వేసట సంసారమై వెన్నడించుఁగాక	॥ఱాలు॥
ధావతులేఁటికి మానుఁ దనుభోగాలుండఁగాను మోవరాని చింతలతో ములుగుఁగాక కావరములేల మాను కంతల మేనుండఁగాను తోవ చేసుకొని వెళ్లఁదోయుచుండుఁగాక	॥ఱాలు॥
వొక్కచిత్తమేలయౌను వూర్పుగాలి విసరఁగా చిక్కి గుణత్రయముచేఁ జెదరుఁగాక నిక్కి శ్రీవేంకటపతి నీకు నేనే శరణంటి గక్కన నీజీవమును గరుణింతుగాక	॥ఱాలు॥