ఆంధ్రభారతి - తాళ్లపాక అన్నమాచార్య కీర్తనలు - పంతపుటాసలు బండ్ల రాఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 312-3
సంపుటము: 4-69

తాళ్లపాక అన్నమాచార్య

రాగము: గుండక్రియ

పంతపుటాసలు బండ్ల రాఁగా దొంతుల యలమటఁ దొలఁగేనా	॥పల్లవి॥
మును దీపనాగ్ని మోఁచిన దేహిని అనిశముఁ గ్రోధాగ్ని నణఁచేనా మనసిజుకతమున మహి జన్మించితి విను మరునాజ్ఞకు వెలి యయ్యేనా	॥పంత॥
సటలోభపు సంసారము చొచ్చితి ఘటన విడుము డిఁకఁ గలిగీనా నటించు చపలపు నాలుక గల నే మటమాయపు చవి మానేనా	॥పంత॥
పాపపుణ్యముల భవముల జీవిని తోపడ కర్మము దొబ్బేనా యేపున శ్రీవేంకటేశ్వరు శరణమే పైపయి భజించి బ్రదికితిఁగాక	॥పంత॥