ఆంధ్రభారతి - తాళ్లపాక అన్నమాచార్య కీర్తనలు - ఇదివో శ్రుతిమూల మెదుటనే వున్నది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 312-5
సంపుటము: 4-71

తాళ్లపాక అన్నమాచార్య

రాగము: బౌళిరామక్రియ

ఇదివో శ్రుతిమూల మెదుటనే వున్నది సదరముగా హరి చాటీ నదివో	॥పల్లవి॥
యెనసి పుణ్యముసేసి యే లోకమెక్కిన మనికై భూమియందు మగుడఁ బొడముటే పొనిగి “యా బ్రహ్మభువనా లోకాః పునరావృత్తి” యనెఁ బురుషోత్తముఁడు	॥ఇది॥
తటుకున శ్రీహరి తన్నునే కొలిచిన పటుగతితో మోక్షపదము సులభమనె ఘటన “మాముపేత్యతు కౌంతేయ” మహిని నటనఁ “బునర్జన్మ న విద్యతే”	॥ఇది॥
యిన్నిటా శ్రీవేంకటేశ్వరు సేవె పన్నినగతి నిహపరసాధన మదే మన్నించి యాతఁడే “మన్మనా భవ” యని అన్నిటా నందరి కానతిచ్చెఁగాన	॥ఇది॥