ఆంధ్రభారతి - తాళ్లపాక అన్నమాచార్య కీర్తనలు - ఉన్నదిందునే వొక్క విచారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 313-3
సంపుటము: 4-75

తాళ్లపాక అన్నమాచార్య

రాగము: బౌళి

ఉన్నదిందునే వొక్క విచారము కన్నది గానుపు ఘనపుణ్యులకు	॥పల్లవి॥
అగపడి పవిత్ర మపవిత్రంబును జగమొక్కటనే జరగెడిని పగటున నిది నా భావవికారమొ జగదీశ్వరుని రచన నేరుపులో	॥ఉన్న॥
అలరిన జ్ఞానము నజ్ఞానంబును తలఁ పొక్కటనే తగిలెడిని చలమున నిది నా సహజపు గుణమో పెలుచగు శ్రీహరి పెరిరేఁపనలే	॥ఉన్న॥
దాహపు నాలో ధర్మ మధర్మము దేహ మొక్కటనె తిరిగెడిని శ్రీహరి నాయాత్మ చేరిన ఫలమో యీహల శ్రీవేంకటేశ్వరు కరుణో	॥ఉన్న॥