ఆంధ్రభారతి - తాళ్లపాక అన్నమాచార్య కీర్తనలు - గుల్ల గుల్లే రాయి రాయే గురి యెంతవేసినాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 314-6
సంపుటము: 4-83

తాళ్లపాక అన్నమాచార్య

రాగము: దేసాళం

గుల్ల గుల్లే రాయి రాయే గురి యెంతవేసినాను అల్లనాఁడే అడియాస లవియేల విడుతు	॥పల్లవి॥
మహిలోన రోగములు మాన మందు గద్దుగాక సహజగుణము మాన్పఁజాలుమందు గలదా బహుబంధములు నీవే పాపితే నేమోకాని అహరహమును నేనే అవియేల విడుతు	॥గుల్ల॥
తనరూపమద్దములో తగఁ జూడవచ్చుఁగాక మనసు దా నద్దములో మరి చూడవచ్చునా దినచంచలము నీవే తీర్చితేనేమో కాని అనుఁగు సంశయము నేనదియేల విడుతు	॥గుల్ల॥
నాలుకచే రుచులెల్ల నంజి చూడవచ్చుఁగాక జాలిఁబడ్డ కన్నులచేఁ జవి గానవచ్చుఁగాక యేలి శ్రీవేంకటేశ నీవిట్టే కాతువుగాక వేళ జీవుఁడను నా విధమేల విడుతు	॥గుల్ల॥