ఆంధ్రభారతి - తాళ్లపాక అన్నమాచార్య కీర్తనలు - ఎక్కడ నెదురు లేక యీరేడులోకములందు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 315-2
సంపుటము: 4-85

తాళ్లపాక అన్నమాచార్య

రాగము: సాళంగనాట

ఎక్కడ నెదురు లేక యీరేడులోకములందు వొక్కఁడే నిలిచెనమ్మ వుగ్రహనుమంతుఁడు	॥పల్లవి॥
పెట్టినజంగదండ పిడికిటి మొలచేయి అట్టె వలచేయెత్తిన యాయితము తొట్టిన పెంజమటలు తోడనె బుసకొట్టులు వుట్టీపడీఁ జూడరమ్మ వుగ్రహనుమంతుడు	॥ఎక్కడ॥
నిక్కినకర్ణములు నింగిమోఁచినబొమ్మలు చక్కశిరసుపైఁ బారఁజూచిన తోఁక చుక్కలు మొలపూసలు సూదుల వాఁడి రోమాలు వుక్కుమీరెఁ జూడరమ్మ వుగ్రహనుమంతుడు	॥ఎక్కడ॥
పుట్టుఁగౌపీనము మహద్బుత యజ్ఞోపవీతము గుట్టుచూపని కనకకుండలములు పట్టపు శ్రీవేంకటేశు బంటయి ప్రతాపమెల్ల వొట్టీ విజయనగరపు వుగ్రహనుమంతుడు	॥ఎక్కడ॥