ఆంధ్రభారతి - తాళ్లపాక అన్నమాచార్య కీర్తనలు - ఇందులోనఁ గల సుఖమింతే చాలు మాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 315-4
సంపుటము: 4-87

తాళ్లపాక అన్నమాచార్య

రాగము: ముఖారి

ఇందులోనఁ గల సుఖమింతే చాలు మాకు నిందు వెలియైన సిరులేమియు నొల్లము	॥పల్లవి॥
ఆదిదేవు నచ్యుతు సర్వాంతరాత్మకుని వేదవేద్యుఁ గమలాక్షు విశ్వపూర్ణుని శ్రీదేవు హరి నాశ్రిత పారిజాతుని అదిగొని శరణంటి మన్యము నేమొల్లము	॥ఇందులో॥
పరమాత్ముఁ బరిపూర్ణు భవరోగవైద్యుని మురహరు గోవిందు ముకుందుని హరిఁ బుండరీకాక్షు ననంతు నభవుని పరగ నుతించితిమి పరుల నేమొల్లము	॥ఇందులో॥
అనుపమ గుణదేహు నణురేణు పరిపూర్ణు ఘనుఁ జింరంతనుని కలిభంజను దనుజాంతకుని సర్వధరు శ్రీవేంకటపతిఁ గని కొలిచితిమి యేగతులు నేమొల్లము	॥ఇందులో॥