ఆంధ్రభారతి - తాళ్లపాక అన్నమాచార్య కీర్తనలు - హరికే మెుఱవెట్టు టంతేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 315-5
సంపుటము: 4-88

తాళ్లపాక అన్నమాచార్య

రాగము: వరాళి

హరికే మెుఱవెట్టు టంతేకాక గరిమ వేరొకటను గతి గానవచ్చునా	॥పల్లవి॥
పాపపుణ్యాలంపటాలఁ బరగిన జీవునికి- నోపననవచ్చునా వొడలి మోపు కోపపు శాంతము చేతఁ గొట్టువడ్డప్రాణికి తాపపు కర్మపువెట్టి తప్పంచుకోవచ్చునా	॥హరికే॥
ఆఁకటి నీరువట్టుల కగపడ్డదేహికి తోఁకసంసారపుటాజ్ఞ తోయవచ్చనా సోఁకుసుఖదుఃఖములఁ జొచ్చినజంతువునకు మూఁకల లోకపులగ్గములఁ బాయవచ్చునా	॥హరికే॥
సారె రాత్రిఁ బగటాను చచ్చిపుట్టేజంతువుకు భారపుటాసల లోనఁ బాయవచ్చునా యీరీతి శ్రీవేంకటేశు నిటు శరణన్నఁగాక ధారుణిఁ బంచబాణము దప్పుకొనవచ్చునా	॥హరికే॥