ఆంధ్రభారతి - తాళ్లపాక అన్నమాచార్య కీర్తనలు - మరుగుచుఁ జేసీ మానదుద్యోగము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 316-3
సంపుటము: 4-92

తాళ్లపాక అన్నమాచార్య

రాగము: రామక్రియ

మరుగుచుఁ జేసీ మానదుద్యోగము నరహరి నీ కృపే నా గతి గలదు	॥పల్లవి॥
అనుపమ మైన భయంబున నరకము వినియెదఁగాని వెరచి విడువను మనియెడి జీవుల మరణ భవంబులు కనియెదఁగాని కలంగదు మనసు	॥మరుగు॥
రాసుల మలమూత్రపు సోదనలిటు సేసీఁగాని చీ యనదు తనువు ఆసల నర్ధపుటార్జన యలపుల వేసరదుఁగాని విరతి నిలుపను	॥మరుగు॥
నిరతముఁ దలపఁగ నిదురయుఁ దెలివియు తొరలీఁగాని తారలనీదు గుణము యిరవగు శ్రీవేంకటేశ్వర నీవే పరమాత్మవు ననుఁ బాలించఁగదే	॥మరుగు॥