ఆంధ్రభారతి - తాళ్లపాక అన్నమాచార్య కీర్తనలు - వెలినుండు లోనుండు విశ్వమింతటనుండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 316-4
సంపుటము: 4-93

తాళ్లపాక అన్నమాచార్య

రాగము: సాళంగనాట

వెలినుండు లోనుండు విశ్వమింతటనుండు జలజాక్షు శరణమే సాధనము సుండీ	॥పల్లవి॥
మిక్కిలిఁ జేసే పాపమే మీఁద నరకమై తోఁచు నిక్కి తానే అద్దములో నీదైనట్లు వొక్కట మొదలులేక వుంటేఁ గొనాలేదు గుక్కకిహపరములు కోరినంతే సుండీ	॥వెలి॥
మహిఁ దొల్లి చూచినూరే మతిలోన దోచీని గహనపు కాఁపురమే కలయైనట్లు సహజమై పుట్టులేక చావులేదెవ్వరికి విహిత సుఖ దుఃఖములు వేఁడినంతే సుండీ	॥వెలి॥
యెండగాసే బయటనే యెక్కువ వెన్నెలగాసీ దిండురేయిఁ బగలొక్క దినమైనట్లు నిండు జీవుఁడు లేకుంటే నిక్కపు దేవుఁడు లేఁడు అండ శ్రీవేంకటేశుఁడే అంతరాత్మ సుండీ	॥వెలి॥