ఆంధ్రభారతి - తాళ్లపాక అన్నమాచార్య కీర్తనలు - నేఁడుగాక దొరనైతి నేను నారాయణుఁ గొల్చి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 321-2
సంపుటము: 4-119

తాళ్లపాక అన్నమాచార్య

రాగము: లలిత

నేఁడుగాక దొరనైతి నేను నారాయణుఁ గొల్చి పోఁడిమి నాచార్యుని బోధ వంకను	॥పల్లవి॥
దీనవృత్తి నేఁ దిరుగని చోటేది నానాచంచలము నామనసు పూని నేఁగొనని భువిలోని రుచు లేవి హీనజన్మము లెత్తిన దీమేను	॥నేఁడు॥
చేరి నేఁజేచేతఁ జేయనిపాప మేది ధారుణి మోపైన సంసారమునను ఆరయ మున్ను నేనాడని కల్లలేవి సారెకు నుదురుపోషణమునకు	॥నేఁడు॥
సూటిదప్పక నేఁ జూడని చూపేది చేటులేని చిరకాల జీవుఁడనే చాటువ శ్రీవేంకటేశు శరణు చొరకతొల్లి బూటకము లెన్ని లేవు పొలయదు కాలము	॥నేఁడు॥