ఆంధ్రభారతి - తాళ్లపాక అన్నమాచార్య కీర్తనలు - ఉమ్మడికర్మములాల వుండఁ జోటు మీకు లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 323-3
సంపుటము: 4-132

తాళ్లపాక అన్నమాచార్య

రాగము: సాళంగనాట

ఉమ్మడికర్మములాల వుండఁ జోటు మీకు లేదు యిమ్ముల నెందైనాఁ బోరో యివి లేనిచోటికి	॥పల్లవి॥
పెట్టినది నుదుటను పెరుమాళ్ళ లాంఛనము దట్టమై భుజములందు దైవశిఖామణిముద్ర నెట్టన నాలుకవిూఁద నీలవర్ణునామమిదె అట్టె హరిదాసులకంటునా పాపములు	॥ఉమ్మ॥
మనసునఁ దలచేది మాధవుని పాదములు దినముఁ గడుపునించేది హరిప్రసాదము తనువుపైఁ దులసిపద్మాక్షమాలికలు చెనకి హరిదాసులఁ జేరునా బంధములు	॥ఉమ్మ॥
సంతతముఁ జేసేది సదాచార్యసేవ అంతరంగమున శరణాగతులసంగ మిదే యింతటాను శ్రీవేంకటేశుఁడు మమ్మేలినాఁడు అంతటా హరిదాసుల నందునా అజ్ఞానము	॥ఉమ్మ॥