ఆంధ్రభారతి - తాళ్లపాక అన్నమాచార్య కీర్తనలు - ఇలువేల్పితఁడే ఇందరికిని మరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 323-4
సంపుటము: 4-133

తాళ్లపాక అన్నమాచార్య

రాగము: శ్రీరాగం

ఇలువేల్పితఁడే ఇందరికిని మరి పలు వేల్పులతో పని యిఁకనేలా	॥పల్లవి॥
కమలారమణుని కరుణేకాదా అమరులు గొనియెడి యమృతము అమితపు శ్రీహరి యాధారముగాదా నెమకేటి ప్రాణులు నిలిచినభూమి	॥ఇలువే॥
దనుజాంతకు బొడ్డుతామెర కాదా జననకారణము సర్వమునకు మనికై హరిసతి మహిమే కాదా నినుపై భువిలో నిండినసిరులు	॥ఇలువే॥
యితనికొడుకు రచనింతాఁగాదా సతుల పతుల సంసారరతి గతి శ్రీవేంకటపతిలోకమె వు- న్నతి వైకుంఠపు నగరపు ముక్తి	॥ఇలువే॥