ఆంధ్రభారతి - తాళ్లపాక అన్నమాచార్య కీర్తనలు - పురుషుఁడే యధముఁడు పొంచి యెందుఁ దగులక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 323-5
సంపుటము: 4-134

తాళ్లపాక అన్నమాచార్య

రాగము: భవుళి

పురుషుఁడే యధముఁడు పొంచి యెందుఁ దగులక పురుషోత్తమునికంటే పుణ్యుఁడవు నపుడే	॥పల్లవి॥
పురుషజంతువులెల్ల పొంచి యాఁడుజంతువుల తరవాయి గొని వెంటఁ దగులుఁగాని ధర నాఁడు జంతువులు తగ పురుషజంతువుల యిరవు వెదకఁజోవు యిది యెట్టిమాయో	॥పురు॥
సారెకు నర్ధమునకు జనులెల్ల దాసులై కోరి వెదకుచు దిరుగుదురు గాని చేరువ యర్ధములెల్ల జీవులకు దాసులై యీరీతి వెదకవు యిది యెట్టిమాయో	॥పురు॥
లోకమునడవ డిది లోనుగాక యిందుకెల్లా యేకచిత్తమున నుంటే యెక్కుడుగాని దాకొని శ్రీవేంకటేశు దాసుఁడైన వానికిని యేకముగఁ బంపుసేసు నేమిమాయోకాని	॥పురు॥