ఆంధ్రభారతి - తాళ్లపాక అన్నమాచార్య కీర్తనలు - మఱి విచారించఁబోతే మంచంముకిందే నూయి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 323-6
సంపుటము: 4-135

తాళ్లపాక అన్నమాచార్య

రాగము: మలహరి

మఱి విచారించఁబోతే మంచంముకిందే నూయి మెఱయఁగ హరిఁ గొల్చి మించరో ప్రజలు	॥పల్లవి॥
యేల మాను దేహమెప్పటి తనగుణము యేల మాను మనసెడలేనియాసలు ఱాలు దింటా మలిగండ్లేఱఁగనేల హరి మన- పాలఁ బెట్టుక కొలచి బ్రతుకరో ప్రజలు	॥మఱి॥
పొమ్మంటేనేలపోవు పూర్వకర్మములు పొమ్మంటేనేలపోవు పొంచిన యింద్రియములు కుమ్మరావమునఁ జెంబు కోరి వెదకనేల పమ్మిని శ్రీపతిఁ గొల్చి బదుకరో ప్రజలు	॥మఱి॥
భోగించకేల పోవుఁ బుట్టిన జన్మఫలము లోఁగుచుఁ బిండికూరలోన నలుపెంచనేల వేగిరమేఁటికి శ్రీవేంకటేశుమాయ లివి బాగుగ నాతనిఁగొల్చి బ్రదుకరో ప్రజలు	॥మఱి॥