ఆంధ్రభారతి - తాళ్లపాక అన్నమాచార్య కీర్తనలు - తొల్లిటివారు వెట్టిన తోవ యిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 324-3
సంపుటము: 4-138

తాళ్లపాక అన్నమాచార్య

రాగము: ధన్నాసి

తొల్లిటివారు వెట్టిన తోవ యిది బల్లిదులై యిందునే బదుకుటే మేలు	॥పల్లవి॥
కలఁడు సర్వేశ్వరుఁడొక్కఁడు దిక్కందరికిని సులభుఁడు శరణము చొచ్చితేఁ గాచు నతఁడు బలుతపములు చేసి పాట్లఁ బడ నోప మని బలువుఁడాతని నమ్మి బ్రదుకుటే మేలు	॥తొల్లిటి॥
వున్నాఁడు మనసులోనే వొక్కచో వెదకవద్దు ఇన్నిటాఁ దలఁచుకొంటే నిచ్చు నిహముఁ బరము కన్నచోట్ల వెదకి కడు నలయనోపము పన్నుగ నితనిఁ గొల్చి బ్రదుకుటే మేలు	॥తొల్లిటి॥
శ్రీవేంకటేశ్వరుఁడు చేరి నిలుచున్నవాఁడు సేవించిన యంతలోనే చేకొని యేలు నీతఁడు దేవతలఁ బ్రార్ధించి తెలియఁగ నేరము భావించితని నుతించి బ్రదుకుటే మేలు	॥తొల్లిటి॥