ఆంధ్రభారతి - తాళ్లపాక అన్నమాచార్య కీర్తనలు - శ్రావణబహుళాష్టమి జయంతి నేఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 324-4
సంపుటము: 4-139

తాళ్లపాక అన్నమాచార్య

రాగము: సాళంగనాట

శ్రావణబహుళాష్టమి జయంతి నేఁడు సేవించరో నరులాల శ్రీకృష్ణుఁడిఁతఁడు	॥పల్లవి॥
భావింప వసుదేవుని పాలిటి భాగ్యదేవత దేవకి గనినయట్టి దివ్యరత్నము చేవమీర సురల రక్షించే కల్పతరువు యీవేళ జన్మించినాఁడు యిదె కృష్ణుఁడు	॥శ్రావణ॥
హర విరంచాదులకు నాదిమూల కారణము పరమమునుల తపఃఫల సారము గరుడోరగేంద్రులకుఁ గలిగిన నిధానము యిరవుగా నుదయించెనిదె కృష్ణుఁడు	॥శ్రావణ॥
బలుయోగీశ్వరుల బ్రహ్మానందము చెలఁగు భాగవతుల చింతామణి అలమేల్మంగకు బతియట్టె శ్రీవేంకటాద్రి- నిలపై జన్మించినాఁడు యిదె కృష్ణుఁడు	॥శ్రావణ॥