ఆంధ్రభారతి - తాళ్లపాక అన్నమాచార్య కీర్తనలు - హరికి లంకిణీహంత కంతర మిట్టున్నది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 325-4
సంపుటము: 4-145

తాళ్లపాక అన్నమాచార్య

రాగము: సాళంగనాట

హరికి లంకిణీహంత కంతర మిట్టున్నది కరుణ నింత మన్నించె కమలావిభుఁడు	॥పల్లవి॥
విశ్వరూపు చూపినాడు విష్ణుఁడు దొల్లి యట్టె విశ్వరూపాంజనేయుఁడు వీఁడె చూపెను శాశ్వతుఁడై యున్నవాఁడు సర్వేశ్వరుఁడు వీఁడే శాశ్వతుఁడై యున్నవాఁడు జగములో నీతఁడు	॥హరి॥
ప్రాణవాయుసంబంధి పరమాత్మఁడు అట్టె ప్రాణవాయుసుతుఁడు పవనజుఁడు రాణింప రవివంశుఁడు రామచంద్రుడు తాను నాణెపు రవిసుతుని నమ్మిన ప్రధాని	॥హరి॥
దేవహితార్థముసేసఁ ద్రివిక్రముఁడు అట్టె దేవహితార్థమే జలధిలంఘనుఁడు శ్రీవేంకటేశుఁడు చిన్మయమూర్తి తాను కోవిదుఁడు జ్ఞానమూర్తి గొప్పహనుమంతుఁడు	॥హరి॥