ఆంధ్రభారతి - తాళ్లపాక అన్నమాచార్య కీర్తనలు - ఇందుకేది వుపాయమో యీశ్వర నీకే తెలుసు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 326-3
సంపుటము: 4-150

తాళ్లపాక అన్నమాచార్య

రాగము: దేశాక్షి

ఇందుకేది వుపాయమో యీశ్వర నీకే తెలుసు మందలించ నశక్తుఁడ మరి నీదాసుఁడను	॥పల్లవి॥
ధీరుఁడనై ధరలోన దేహము నే మోచితి కోరి పుణ్యపాపాలకు గురియు నైతి వూరట యేమిటా లేదు వోపనని మానరాదు తీరదు భోగించక దినదినకర్మము	॥ఇందు॥
గరిమ సంసారినైతి కంటిఁ బెక్కుసుతులను యిరవుగఁ గట్టుకొంటి నీలంపటాలు వెర వేమీ నెరఁగను విడువ వెంతైనాను హరిహరి రాచినా సమయపు బలుకాంక్షలు	॥ఇందు॥
అట్టె గురుముఖమైతి నాతుమలో నినుఁ గంటి జట్టిగొని నీపాదాలే శరణంటిని గట్టిగా నలమేల్మంగకాంతుఁడ శ్రీవేంకటేశ యిట్టె నిన్నెరఁగలేని దిన్నాళ్ళు నానేరమి	॥ఇందు॥