ఆంధ్రభారతి - తాళ్లపాక అన్నమాచార్య కీర్తనలు - దేవుదేవుఁ డితడే దివ్యమూరితి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 326-4
సంపుటము: 4-151

తాళ్లపాక అన్నమాచార్య

రాగము: ధన్నాసి

దేవుదేవుఁ డితడే దివ్యమూరితి యేవలఁ జూచినఁ దానే యీ రూపై వున్నాఁడు	॥పల్లవి॥
వేంకటాచలము మీఁది విశ్వరూప విశేషము అంకెల ననంతావతారాలైన విశేషము లంకె సింగారాది సర్వాలంకార విశేషము యింకనిమహిమలతో నీరూపై వున్నాఁడు	॥దేవు॥
అందరిలో నంతర్యామియైన విశేషము కందర్పుఁబుట్టించిన ఘన విశేషము ముందు జగముసృష్టించి మూలమైన విశేషము యిందరితోఁ గూడుకొని యీరూపై వున్నాఁడు	॥దేవు॥
పరము యోగీంద్రులెల్ల భావించిన విశేషము అరుదైన వేదవేదాంతార్థ విశేషము పరగ నలమేల్మంగపతియై శ్రీవేంకటేశుఁ- డిరవై దాసులఁ గావ నీరూపై వున్నాఁడు	॥దేవు॥