ఆంధ్రభారతి - తాళ్లపాక అన్నమాచార్య కీర్తనలు - ఎక్కుడు బ్రహ్మపట్టాన కిదె కాచుకున్నవాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 327-5
సంపుటము: 4-158

తాళ్లపాక అన్నమాచార్య

రాగము: నాట

ఎక్కుడు బ్రహ్మపట్టాన కిదె కాచుకున్నవాఁడు పక్కటిల్లి సంతోసానఁ బెద్దహనుమంతుఁడు	॥పల్లవి॥
తూరుపుఁ బడుమరాను దొడ్డగా జంగ చాఁచి సారెకుఁ నర్కునివద్దఁ జదివీ వాఁడే ధీరతతోఁ దనమేను దిక్కులెల్లాఁ బిక్కటిల్ల బీరముచూపీ వాఁడె పెద్దహనుమంతుఁడు	॥ఎక్కు॥
మిన్ను నేల నేకముగా మించినవాల మెత్తి సన్నుతిగా వలకేల చాఁచినవాఁడు పన్నుగడై రాఘవునిబంట్లలోపలనెల్లా పెన్నిధియై యున్నవాఁడు పెద్దహనుమంతుఁడు	॥ఎక్కు॥
మరిగి రేయుఁబగలు మతంగపర్వతమాడ బిరుదులతోడను బెరసీ వాఁడే యిరవై శ్రీవేంకటేశుహితుఁడై యెప్పుడుఁ బెచ్చు- పెరుగుచు నున్నవాఁడు పెద్దహనుమంతుఁడు	॥ఎక్కు॥