ఆంధ్రభారతి - తాళ్లపాక అన్నమాచార్య కీర్తనలు - ఇతఁడు తారకబ్రహ్మ మీతఁడు సర్వేశ్వరుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 327-6
సంపుటము: 4-159

తాళ్లపాక అన్నమాచార్య

రాగము: బౌళి

ఇతఁడు తారకబ్రహ్మ మీతఁడు సర్వేశ్వరుఁడు రతికెక్కఁ గొలిచిన రక్షించు నితఁడు	॥పల్లవి॥
తరణివంశజుడై తాటకను హరియించి అరుదుగ విశ్వామిత్రుయాగము గాచి హరునివిల్లు విరిచి యట్టె సీతఁ బెండ్లియాడి పరశురాముని నిజబలిమి చేకొనెను	॥ఇతఁ॥
మునులకభయమిచ్చి మొగి నసురలఁ ద్రుంచి ఘనమైన మాయామృగముఁ జంపి కినిసి వాలిఁ గొట్టి సుగ్రీవునిఁ బట్టముగట్టి వనధి బంధించి లంక వడిఁ జుట్టుముట్టెను	॥ఇతఁ॥
బలురావణునిఁ జంపి పుష్పకముపైఁ దాఁ జేకొని లలి విభీషణునకు లంక ఇచ్చి చెలఁగి యయోధ్య యేలి శ్రీవేంకటాద్రిమీఁద వెలయ రాముఁడు దానై విశ్వమెల్లా నేలెను	॥ఇతఁ॥