ఆంధ్రభారతి - తాళ్లపాక అన్నమాచార్య కీర్తనలు - అడర శ్రావణబహుళాష్టమి నేఁ డితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 328-1
సంపుటము: 4-160

తాళ్లపాక అన్నమాచార్య

రాగము: రామక్రియ

అడర శ్రావణబహుళాష్టమి నేఁ డితఁడు నడురేయి జనియించినాఁడు చూడఁగదరే	॥పల్లవి॥
గొంతిదేవిమేనల్లుఁడు గోపసతులమగఁడు పంతపుపాండవులకు బావమరఁది వంతుతో వసుదేవదేవకులకుమారుఁడు ఇంతటికృష్ణుఁడు జనియించినాఁడుగదరే	॥అడ॥
బలరామునితమ్ముఁడు పంచసాయకునితండ్రి మలసి మేటైనయభిమన్యునిమామ లలి సాత్యకిసుభద్రలకుఁ దోఁబుట్టినయన్న ఇలపైఁ గృష్ణుఁడు జనియించినాఁడుగదరే	॥అడ॥
సూరసేనుమనుమఁ డచ్చుగ ననిరుద్ధుతాత పౌరవయాదవలోకబాంధవుఁడు ఆరయ శ్రీవేంకటేశుఁ డలమేల్మంగకుఁ బతి యీరీతిఁ గృష్ణుఁడు జనియించినాఁడుగదరే	॥అడ॥