ఆంధ్రభారతి - తాళ్లపాక అన్నమాచార్య కీర్తనలు - కొలువై తా నల్లవాఁడె కూచున్నాఁడు గద్దెమీఁద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 328-4
సంపుటము: 4-163

తాళ్లపాక అన్నమాచార్య

రాగము: ధన్నాసి

కొలువై తా నల్లవాఁడె కూచున్నాఁడు గద్దెమీఁద బలవంతుఁ డితఁడు ప్రహ్లాదవరదుఁడు	॥పల్లవి॥
చిడుముడిగోళ్లతోడ సింహపుమోముతోడ తొడమీఁదఁగూచున్న తొయ్యలితోడ కడలేనినవ్వుతోడ కడురాజసముతోడ అడరించీఁ బంతము ప్రహ్లాదవరదుఁడు	॥కొలు॥
సంకుఁజక్రములతోడ చాయలమేనితోడ సంకెదేర్చేయభయహస్తముతోడ బింకపుమీసాలతోడ పెనువదనముతోడ అంకె వరములిచ్చీఁ బ్రహ్లాదవరదుఁడు	॥కొలు॥
వనితకౌఁగిటతోడ వామకరముతోడ ననుపైన తమలోనానందముతోడ యెనయుచు శ్రీవేంకటేశుఁడై యీడా నాడా అనిశము వెలసెఁ బ్రహ్లాదవరదుఁడు	॥కొలు॥