ఆంధ్రభారతి - తాళ్లపాక అన్నమాచార్య కీర్తనలు - జూటుఁదనాలవాఁడవు సుగ్రీవనారసింహ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 328-5
సంపుటము: 4-164

తాళ్లపాక అన్నమాచార్య

రాగము: దేసాళం

జూటుఁదనాలవాఁడవు సుగ్రీవనారసింహ పాటించి నిన్ను నేము పంగించేవారమా	॥పల్లవి॥
మొగము సింహపురూపు మెుగి మై మానిసిరూపు జిగిఁ దొడవిూఁదట శ్రీమహాలక్ష్మి తగు నీకు నిటువంటి తగవులెల్లాఁ జెల్లు యెగ సక్కేలాడ మాకు నేలయ్య నిన్నును	॥జూటుఁ॥
కట్టినది పైఁడికాశ కంబములోన వునికి నెట్టుకొన్ననవ్వులు నీలోనివే యిట్టివల్లా నీకమరు యెన్నిలేవు నీచేఁతలు అట్టిట్టని నిన్ను మాకు నడుగనేమిటికి	॥జూటుఁ॥
అమరుల కేలికవు అసురలకు వైరవి రమణఁ బ్రహ్లదునకు రక్షకుఁడవు కొమరై శ్రీవేంకటాద్రిఁ గొత్తలు నీగుణములు సముకానఁ బలుమారు సంతోసించే మిఁకను	॥జూటుఁ॥