ఆంధ్రభారతి - తాళ్లపాక అన్నమాచార్య కీర్తనలు - లెండో లెండో మాటాలించరో మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 329-1
సంపుటము: 4-166

తాళ్లపాక అన్నమాచార్య

రాగము: రామక్రియ

లెండో లెండో మాటాలించరో మీరు కొండలరాయనినే పేర్కొన్నదిదె జాలి	॥పల్లవి॥
మితిమీరెఁ జీకట్లు మేటితలవరులాల జతనము జతనము జాలో జాలి యితవరులాల వాయించే వాద్యాలకంటె- నతిఘోషములతోడ ననరో జాలి	॥లెండో॥
గాములువారెడిపొద్దు కావలికాండ్లాల జాము జాము దిరుగరో జాలో జాలి దీమనపు పారివార దీవెపంజులు చేఁబట్టి యేమరక వమీలో మీరు యియ్యరో జాలి	॥లెండో॥
కారుకమ్మె నడురేయి గడచెఁ గట్టికవార సారెసారెఁ బలుకరో జాలో జాలి యీరీతి శ్రీవేంకటేశుఁ డిట్టె మేలుకొన్నాఁడు గారవాన నిఁక మానఁ గదరో జాలి	॥లెండో॥