ఆంధ్రభారతి - తాళ్లపాక అన్నమాచార్య కీర్తనలు - నల్లఁబల్లి చెన్నుఁడు నాపాలిటి వెన్నుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 329-3
సంపుటము: 4-168

తాళ్లపాక అన్నమాచార్య

రాగము: శ్రీరాగం

నల్లఁబల్లి చెన్నుఁడు నాపాలిటి వెన్నుఁడు యెల్ల జీవులకు మరి యిన్నిటాఁ బ్రసన్నుఁడు	॥పల్లవి॥
కమలావరుడు శ్రీకర మదనగురుఁడు సమర దానవకుల సంహారుఁడు విమల గుణాకరుఁడు విజయచక్రధరుఁడు కమనియ్య భక్తజన కరుణాకరుఁడు	॥నల్ల॥
వేదాంతవేద్యుఁడు విశ్వహితాపాద్యుఁడు ఆదియునంత్యములేని యనవద్యుఁడు సాదితయోగిహృద్యుఁడు శమితోగ్రచైద్యుఁడు సోదించి చూచితేను సురలకు నాద్యుఁడు	॥నల్ల॥
కామితఫల శక్తుఁడు ఘనమహిమ యుక్తుఁడు ఆముకొన్న లోకరక్షణ సక్తుఁడు నేమాన శ్రీవేంకటాద్రి నిలిచి మమ్మేలినాఁడు కోమలుఁడు వీఁడిగో గోపకాస రక్తుఁడు	॥నల్ల॥