ఆంధ్రభారతి - తాళ్లపాక అన్నమాచార్య కీర్తనలు - రాముఁడు రాఘఁవుడు రవికులుఁ డితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 329-4
సంపుటము: 4-169

తాళ్లపాక అన్నమాచార్య

రాగము: పాడి

రాముఁడు రాఘఁవుడు రవికులుఁ డితఁడు భూమిజకుఁ బతియైన పురుషనిధానము	॥పల్లవి॥
అరయఁ బుత్రకామేష్టియందుఁ బరమాన్నమున పరగ జనించిన పరబ్రహ్మము సురల రక్షింపఁగ నసురల శిక్షింపఁగ తిరమై యుదయించిన దివ్యతేజము	॥రాము॥
చింతించే యోగీంద్రుల చిత్తసరోజములలో సంతతము నిలిచిన సాకారము వింతలుగా మనులెల్ల వెదకి కనేయట్టి- కాంతులఁ జెన్నుమీరిన కైవల్యపదము	॥రాము॥
వేదవేదాంతములందు విజ్ఞానశాస్త్రములందు పాదుకొనఁ బలికేటి పరమార్థము పోదితో శ్రీవేంకటాద్రిఁ బొంచి విజనగరాన ఆదికి సనాదియైన అర్చావతారము	॥రాము॥