ఆంధ్రభారతి - తాళ్లపాక అన్నమాచార్య కీర్తనలు - వినోదకాఁడ వౌదువు విఠలేశ్వరా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 329-6
సంపుటము: 4-171

తాళ్లపాక అన్నమాచార్య

రాగము: శంకరాభరణం

వినోదకాఁడ వౌదువు విఠలేశ్వరా వినుతించ నెట్టువచ్చు విఠలేశ్వరా	॥పల్లవి॥
పసులఁగావఁగానె బ్రహ్మ నిన్ను నుతించే వెస నీమహిమ యెంత విఠలేశ్వరా పసిబాల వయసున బండిఁదన్ని విరిచితి వెసగె నీమాయలెల్లా యివె విఠలేశ్వరా	॥వినో॥
వెన్న నీవు దొంగిలఁగ వేదాలు వొగడీని విన్న కన్న సుద్ది గాదు విఠలేశ్వరా చన్ను దాగి రాకాసిపీఁచము హరించితివి యెన్నికకెక్కె నీబిరు దిటు విఠలేశ్వరా	॥వినో॥
గొల్లెతలఁగూడి చేకొంటివి బ్రహ్మచర్యము వెల్లవిరాయఁ బనులు విఠలేశ్వరా బల్లిదపు శ్రీవేంకటపతివై పాండురంగాన చల్లఁగా నెలకొంటివి జయ విఠలేశ్వరా	॥వినో॥