ఆంధ్రభారతి - తాళ్లపాక అన్నమాచార్య కీర్తనలు - విచ్చనవిడినీ యాడీ వీఁడె కృష్ణుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 330-1
సంపుటము: 4-172

తాళ్లపాక అన్నమాచార్య

రాగము: దేవక్రియ

విచ్చనవిడినీ యాడీ వీఁడె కృష్ణుఁడు వొచ్చము లేనివాఁడు వుద్దగిరికృష్ణుఁడు	॥పల్లవి॥
గల్లుగల్లుమనఁగాను గజ్జలు నందెలతోడ బిల్లఁగోట్లాడీని పిన్నకృష్ణుఁడు కెల్లురేఁగి వీధులనుఁ గేరి పుట్టచెండులాడీ బల్లిదుఁడు గదవమ్మ బాలకృష్ణుఁడు	॥విచ్చ॥
తమితోడ గోపాలులు తానుఁ గూడి ముంగిటను సముద్రబిల్లలాడీ సాధుకృష్ణుఁడు చెమటలుగార సిరసింగనవత్తి యాడీ గుమితాన వీఁడే యమ్మా గోపాలకృష్ణుఁడు	॥విచ్చ॥
వుదుటునఁ బారి పారి వుడ్డగచ్చకాయలాడీ ముదముదొలఁకఁగాను ముద్దుకృష్ణుఁడు అదివో శ్రీవేంకటేశుఁ డాటలెల్లాఁ దానే యాడీ పదివేలు చందాల శ్రీపతియైన కృష్ణుఁడు	॥విచ్చ॥