ఆంధ్రభారతి - తాళ్లపాక అన్నమాచార్య కీర్తనలు - ఎంత పరాక్రమము యీ సింహము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 330-4
సంపుటము: 4-175

తాళ్లపాక అన్నమాచార్య

రాగము: బౌళిరామక్రియ

ఎంత పరాక్రమము యీ సింహము చెంతనే దివిజులు సేవించేరు	॥పల్లవి॥
కొండమీఁదఁ గూచుండి దైత్యుమై చెండివేసె నీ సింహము నిండునగవుతో నెలఁత దనతొడపై నుండఁగ నెరసీ నుదుటుఁదనమున	॥ఎంత॥
తటుకనఁ బ్రహ్లాదుఘటనచేఁ గంభము చిటిలి వెడలె నీ సింహము చటులకరంబులఁ గుటిలదానవుని బటుగతిఁ బట్టెను పశుబంధముగా	॥ఎంత॥
పగయెల్ల నడఁచి జగములేలుచును జిగిమించిన నరసింహము నిగిడి శ్రీవేంకటనిధి యహోబలము తగు నివాసముగఁ దనరీ నిదివో	॥ఎంత॥