ఆంధ్రభారతి - తాళ్లపాక అన్నమాచార్య కీర్తనలు - కొసరనేల నాగుణము లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 330-5
సంపుటము: 4-176

తాళ్లపాక అన్నమాచార్య

రాగము: నాదరామక్రియ

కొసరనేల నాగుణము లివి రసికత నీవిన్నిటా రక్షించుకొనుమీ	॥పల్లవి॥
నేరమి నాది నేరుపు నీదే దూరు నాది బంధుఁడవు నీవు కోరుదు నేను కొమ్మని యిత్తువు కారుణ్యాత్మక గతి నీవు సుమీ	॥కొస॥
నేను యాచకుఁడ నీవేదాతవు దీనుఁడ నేఁ బరదేవుఁడవు జ్ఞానరహితుఁడను సర్వజ్ఞనిధివి శ్రీనిధి యిఁక ననుఁ జేరి కావుమీ	॥కొస॥
అరయ నే జీవుఁడ నంతర్యామివి యిరవుగ దాసుఁడ నేలికవు చిరజీవిని నే శ్రీవేంకటపతివి వరదుఁడ ననుఁ జేవదలకుమీ	॥కొస॥