ఆంధ్రభారతి - తాళ్లపాక అన్నమాచార్య కీర్తనలు - ఎన్నిమహిమలవాఁడె యీ దేవుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 330-6
సంపుటము: 4-177

తాళ్లపాక అన్నమాచార్య

రాగము: హిందోళవసంతం

ఎన్నిమహిమలవాఁడె యీ దేవుఁడు కన్నులపండువులెల్లాఁ గదిసినట్టుండెను	॥పల్లవి॥
పోలింప కర్పూరకాపు పురుషోత్తమునికి యేలీల నుండెనని యెంచి చూచితే పాలజలనిధిలోనఁ బవళింపగా మేన మేలిమిమీఁగఁడంటిన మెలుపుతో నుండెను	॥ఎన్ని॥
తట్టుపునుఁగు కాపు దైవశిఖామణికి యెట్టుండెనని మరి నెంచి చూచితే చిట్టకాన రేపల్లెలో చీఁకటితప్పు సేయఁగా అట్టె రాత్రులు మేననంటి నట్టుండెను	॥ఎన్ని॥
అలమేలుమంగతోడ నట్టె సొమ్ము ధరించఁగ యెలమి శ్రీవేంకటేశునెంచి చూచితే కలిమిగలయీకాంతకాఁగిటఁ బెనఁగఁగాను నిలువెల్లా సిరులై నిండినట్టుండెను	॥ఎన్ని॥